الإهداءات


العودة   منتديات لحن FM > المنتديات الإجتماعية > أناقة المرأه GiRLs CoRnEr

أناقة المرأه GiRLs CoRnEr خاص باناقة المراة من ملابس واكسسوارات وميك اب

« آخـــر الـــمـــشـــاركــــات »
         :: حلم ارجو من بنت فلسطين تفسيره (آخر رد :جمالي غير)       :: ارجو تفسير حلمي (آخر رد :وردها جوري)       :: ارجو تفسير حلمى (آخر رد :د/ منى سعد)       :: حلم محتاجه تفسريه يالغاليه0 (آخر رد :عشقي KHaleed)       :: أرجو المساعدة (آخر رد :عبد النور)       :: حلم اخي (آخر رد :amatuallah)       :: نوم زوجي بالحلم (آخر رد :ســارة)       :: حلم أختي (آخر رد :ليان حوبي)       :: حلم أمي (آخر رد :ليان حوبي)       :: الفرق بين عام وسنه فى القرأن (آخر رد :تمارا عودة)      

رد
 
أدوات الموضوع طرق مشاهدة الموضوع
قديم 06-06-2009, 04:20 PM   #1
:: أميرة .. ومش أي أميرة ::
 
الصورة الرمزية بسـ أمل ـمة
 
تاريخ التسجيل: Mar 2009
الدولة: قلوب الأحبة
المشاركات: 4,838
مزاجي:
بسـ أمل ـمة is on a distinguished road
طرق لفات الطرح والشالات بالصور

أغلب البنات اليوم محجبات ، وأصبح اهتمامهم بالحجاب يوازي أو يفوق اهتمامهم بشعرهم، وأصبح البديل للكوافير والبحث عن قصة جديدة أو لون مختلف هو لف الطرحة بألوان زاهية على آخر موضة.. أشكال ربطات على هيئة تسريحات شعر ، وأما الأقمشة تل وشيفون وترتر، الصبح والضهر وفي كل وقت... المعادلة الصعبة في كل الحاجات دي ازاي أكون محجبة أحترم "حجابي" وفي نفس الوقت شكلي حلو "ستايل" على الموضة ومش "مبهرج" ولافت للنظر لدرجة تثير انتقاد الآخرين..

نصائح ذهبية لكل بنت محجبة ازاي تتعامل مع الحجاب..

ألوان الموضة في الإيشاربات ؟

لون الطرحة حسب لون اللبس ولكن اللون البني هو الأساس السنة دي وبيدخل معاه البرتقالي, التركواز, الروز, الزيتي بدرجاته, البني لوحده, البني المحروق مع البني العادي موضة جداً واستخدام الألوان الجديدة وتداخلها بيعطي نتيجة حلوه جداً..

































هل البني المحروق ممكن "يغمق" البشرة وخاصة إن لوننا خمري أحياناً مائل للاسمرار؟

لا أبداً البني جميل جداً مع كل ألوان البشرة، على فكرة أنا عندي مبدأ إن كل الألوان تليق على البشرة السمراء أو البيضاء بنفس الدرجة ، حكاية إن الروز والموف لا تصلح للبشرة السمراء أو الخمرية أو إنه "بيسمر جداً" ده كلام مش صحيح، النهارده مافيش لون صريح.. الروز له درجات مختلفة وموجودة في كل أنواع
المكياج، كمان الموف, والأخضر.. المهم اختيار الدرجة من اللون القريبة من درجة لون البشرة وأكيد هتكون مناسبة ولا تعطي نتيجة عكسية



ازاي تختاري خامة أو قماش الإيشارب صح؟


نوع القماش أو خامة الإيشارب تعتمد على نوع اللبس، كمان فيه أنواع من الأقمشة من المفضل نتجنبها حتى لو عجبك لونها أو تطريزها أو نقشتها.. من الأقمشة المزعجة في لبس الحجاب "الأوراجنزا الهايشة".. ابعدي
عن الأقمشة "الناشفة" لأنها صعبة في الربط، خلي عنيكِِ على نوعية الأقمشة الناعمة والأقطان، الحرير،
الحرير على قطن، الشيفونات بأنواعها كلها خامات حلوة جداً ومناسبة وعملية والتل كمان... بأكد إن الإيشارب مهم إنه يكون عملي في اللف، ممكن الإيشارب يكون غالي ووحش في ربطته وبعد شوية هتكرهي الإيشارب وهتركنيه على جنب بعد ما غرمتي ثمنه.

نوعية القماش المناسبة والعملية للبنت في الجامعة عشان يكون حجابها مريح وفي نفس الوقت شكلها
مش مبهدل؟

تختار الأقطان والشيفونات المطفية "بدون لمعة".. الأقمشة دي بتستحمل جداً الحركة طول النهار، فالأقطان فيها ألوان كثيرة وأشكالها حلوة جداً، والقطن على حرير فيه تطريز خفيف حلو كمان وموضة جداً يكون في طرف الإيشارب تطريز أو ترتر بس المهم يكون "Simple" جداً.. عشان الجامعة ممكن تختار الإيشاربات
الأقطان المخططة أو المنقوشة، فيه مساحة تنوع النهارده وألوان ينفع تدخل مع بعض تعطي شكل جديد في كل مرة.





والتطريز البسيط يعطى جمال ورقة
أفكار لحجاب ممكن يناسب لفترة بعد الظهر أو بالليل؟

ممكن تحتفظي بشكل ربطتك اللي بترتاحي معاها والمناسبة لشكل واستدارة الوجه وتستخدمي إكسسوار

مختلف.. حلق كبير، سلسلة فيها دلاية فيها حجر فيروزي، خاتم فضي بفص ملون.. النهارده مافيش لبس

محدد للنهار وآخر لليل، مساحة الحركة تكون إضافة حاجة جديدة للبسك حسب وقت الخروج وطبعاً

المناسب للمكان.


ازاي البنت المحجبة تختار الربطة المناسبة لشكلها؟

لازم تعرف هي بتحب إيه، الربطة التقليدية أو الربطة "الاسبانش" المربوطة "على ورا" عشان تكون

مرتاحة

ومقتنعة بربطة الإيشارب، ولو هي محجبة جديد ماتستعجلش على نفسها "شوية..... شوية" مش معقول


هتقدر تلف الإيشارب زي واحدة متحجبة من زمان.. البنات بتكتئب وبتزعل قوي عشان شكل حجابها
مش "مظبوط" عشان كده لازم المحجبة جديد تلبس في الأول حجاب ربطته سهلة ولا تستخدم أنواع ناعمة جداً ممكن تتزحلق بسرعة وتظهر شعرها، ممكن تستخدم الأقطان في البداية لأنها بتثبت، وعشان تلم شعرهاكويس جداً تلبس "بونيه" قطن ولا تظهره، ومهمته مساعدتها في تثبيت الإيشارب ويمسك الشعر كله وتختار ربطة سهلة.

الربطة "الإسبانيش" موضة جداً، ازاي نربطها "صح" خطوة خطوة....؟

أولاً نلبس بونيه قطن يلم الشعر كويس وبعد كده نجيب طرحة مستطيلة لون تاني، فلو إن البونيه بني محروق

تكون الطرحة تركواز تبين جزء من البونيه ونحط الطرحة الثانية بمحاذاة خط البونيه ونربطها على ورا كويس جداً وممكن نجيب طرحة تانية شيفون مثلاً وتكون لونها بني محروق ونربطها فوق التركواز، بعد كده نبين جزء منها زي ما عملنا في الخطوة السابقة ونربط كويس جداً، بعد كده نبدأ في ربط أطراف الطرحتين البني
والتركواز بحيث ممكن نربط طرف الأولى مع الثانية والعكس، وإنتِ قدام المرايا هتلاقي نفسك بتربطي الأطراف، وممكن تبتكري تعملي الأطراف "كحكة" أو تعملي بطرف "كحكة" وتسيبي الطرفين نازلين على كتفك على حسب ذوق وشكل وجهك.

واليك بالصورة كيفيه ربطها




نصيحتى للف الطرح التقليدية؟

لازم تلبسي بونيه قطن وتحطي الإيشارب على حرف البونيه عشان يختفي وتمسكي الطرف القصير بدبوس مشبك بالطرف الكبير وتلفي الطرف الطويل حول الرأس وتثبتي بالدبابيس، وبلاش أكتر من إيشارب في الأول.. كفاية لفة بسيطة.


ولو عاوزة تدخل ألوان في اللفة التقليدية؟


زي ما قلنا البونيه وبعد كده الإيشارب على حرف البونيه وبعدها تمسك الطرف القصير بالطرف الطويل عند الرقبة، وبعد كده الإيشارب الثاني بعده بمسافة من الأول وتمسك أطرافه وتلف طرف الأولى وطرف الثانية في اتجاه واحد بشرط طرف يظهر لونه قبل الثاني، أو تحط الطرفين فوق بعض وتلفهم مرة واحدة وتحط دبابيس
ممكن تلبس "بندانا" وتلف الطرحة، ونصيحتي بلاش وضع شريط بلاستيك في مقدمة الطرحة.. ممكن تستخدمي "اسبراي نشا مخصوص للمكوى"، عشان تنشي الطرحة.




إيه رأيك في إضافة الضفيرة من قماش وعمل "الكحكة" بالربطة "الإسبانيش"؟

بصراحة لا أفضل الإضافات الكثيرة للحجاب طالما اخترتِ الحجاب عن قناعة لازم تكوني محتشمة وبسيطة في نفس الوقت... لازم تتعاملي مع الحجاب وكأنه شعرك وتحبيه عشان شكلك يكون حلو فيه ولما توصلي للدرجة دي أكيد هتبتكري في الربطات أكثر






نصيحتى للعروسة المحجبة؟

تبحث عن لون مناسب لبشرتها يبرز جمال لونها تفكر في موديل مناسب لجسمها وتفكر ازاي يكون شكلها مختلف وجديد، ومش شرط إن موديل أو ربطة عجبتك إنها ممكن تنفع معاك أو تليق عليك، وكمان تختار حد يساعدها في ربط الطرحة لأنه متخصص وبيتحكم أكثر في الربط وله خبرة في ابتكار ربطات جديدة.




_________________



تحياتي

ميرا
__________________
بسـ أمل ـمة غير متصل   رد مع اقتباس
قديم 06-06-2009, 07:21 PM   #2
..~ المدير العام ..~
 
الصورة الرمزية Ra$hA
 
تاريخ التسجيل: Feb 2009
الدولة: .. بلآد آلوآق وآق ..~
المشاركات: 21,392
مزاجي:
Ra$hA is on a distinguished road
افتراضي

طرق جميلة مناسبة للحفلات اكثر

ولكن لا تستر الرقبة .. فهل يعتبر حجاب


اشكرك عزيزتي على المجهود المميز


ما ننحرم من هالنشاط
Ra$hA غير متصل   رد مع اقتباس
قديم 06-06-2009, 07:38 PM   #3
:: أميرة .. ومش أي أميرة ::
 
الصورة الرمزية بسـ أمل ـمة
 
تاريخ التسجيل: Mar 2009
الدولة: قلوب الأحبة
المشاركات: 4,838
مزاجي:
بسـ أمل ـمة is on a distinguished road
افتراضي

شكرا رشروشتي للمرور الرائع

اقتباس:
المشاركة الأصلية كتبت بواسطة ra$ha عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

ولكن لا تستر الرقبة .. فهل يعتبر حجاب


ليس جميعها فهناك صور يتم فيها سترها
وهو بكل تأكيد ليس حجابا شرعيا


__________________
بسـ أمل ـمة غير متصل   رد مع اقتباس
قديم 06-06-2009, 09:16 PM   #4
::عَاشِـــــقةٌ فِـــــــلسْـــطِينُ::
 
الصورة الرمزية فيينوووووس
 
تاريخ التسجيل: Oct 2008
الدولة: مصريه بالدم والقلب فلسطينى
المشاركات: 43,159
مزاجي:
فيينوووووس is on a distinguished road
افتراضي

يسلمو حبيبتى


مجهود كتير راااااااائع



محبتى
__________________
سيد الاستغفار
اللهم انت ربى لا اله الا انت خلقتنى وانا عبدك وانا على عهدك ووعدك ماستطعت اعوذ بك من شر ماصنعت وابوء لك بذنبى فاغفر لى انه لا يغفر الذنوب الا انت
امييييييييييييييين
فيينوووووس غير متصل   رد مع اقتباس
قديم 06-06-2009, 09:30 PM   #5
:: أميرة .. ومش أي أميرة ::
 
الصورة الرمزية بسـ أمل ـمة
 
تاريخ التسجيل: Mar 2009
الدولة: قلوب الأحبة
المشاركات: 4,838
مزاجي:
بسـ أمل ـمة is on a distinguished road
افتراضي

شكرا حبيبة عمري فيني ع الدعم والمرور
بسـ أمل ـمة غير متصل   رد مع اقتباس
قديم 07-23-2009, 06:16 PM   #6
لــحــن جديد
 
تاريخ التسجيل: Jul 2009
المشاركات: 1
مي مي is on a distinguished road
افتراضي

شكرا طريقة وايد حلوة

مرسي انا كتير عجبتني بس بدي الرابط

التعديل الأخير تم بواسطة : بسـ أمل ـمة بتاريخ 07-29-2009 الساعة 06:23 PM
مي مي غير متصل   رد مع اقتباس
قديم 07-23-2009, 06:22 PM   #7
:: أميرة .. ومش أي أميرة ::
 
الصورة الرمزية بسـ أمل ـمة
 
تاريخ التسجيل: Mar 2009
الدولة: قلوب الأحبة
المشاركات: 4,838
مزاجي:
بسـ أمل ـمة is on a distinguished road
افتراضي

مي مي


شكرا جزيلا لمرورك الرائع
وأهلا بك بيننا اختا كريمة

وعن أي رابط تقصدين ؟
__________________
بسـ أمل ـمة غير متصل   رد مع اقتباس
قديم 07-24-2009, 09:43 PM   #8
لــــــــحـــن فعّال
 
الصورة الرمزية قــطر الندى
 
تاريخ التسجيل: Jul 2009
الدولة: فلسطين
المشاركات: 754
قــطر الندى is on a distinguished road
افتراضي

مجهود رائع يسلمو حبيبتي
__________________
قــطر الندى غير متصل   رد مع اقتباس
قديم 07-25-2009, 05:23 AM   #9
:: أميرة .. ومش أي أميرة ::
 
الصورة الرمزية بسـ أمل ـمة
 
تاريخ التسجيل: Mar 2009
الدولة: قلوب الأحبة
المشاركات: 4,838
مزاجي:
بسـ أمل ـمة is on a distinguished road
افتراضي

نــــــــــدى


شكرا لمرورك وبارك الله فيك
:36_13_13[1]:
__________________
بسـ أمل ـمة غير متصل   رد مع اقتباس
رد

مواقع النشر

العبارات الدلالية
لفات, الطرح, بالصور, والشالات, طرق

أدوات الموضوع
طرق مشاهدة الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع إلى

المواضيع المتشابهه
الموضوع كاتب الموضوع المنتدى مشاركات آخر مشاركة
لفات حجاب بالصور فيينوووووس أناقة المرأه GiRLs CoRnEr 9 10-19-2009 07:12 PM


الوقت في المنتدى حسب توقيت جرينتش +3 الساعة الآن 07:20 AM .


لحن اف ام l7nfm.com ــ ® Powered by vBulletin